ଆସ ଆମ ଶିକ୍ଷଣ ଅଭିବୃଦ୍ଧି କରିବା (ପୃଷ୍ଠା ୨୨-୨୪)

୧. ଅଲଗାଟିକୁ ଚିହ୍ନଟ କର ଏବଂ କାରଣ ଦର୍ଶାଅ।

(କ) ଯଅ, ବାଜରା, ମାଣ୍ଡିଆ, ଚଣା

• ଉତ୍ତର: ଚଣା ଅଲଗା।

• କାରଣ: ଯଅ, ବାଜରା ଏବଂ ମାଣ୍ଡିଆ ହେଉଛି ଶ୍ଵେତସାର (ବାଜରା/ପୋଷକ ଶସ୍ୟ) ଜାତୀୟ ଖାଦ୍ୟ, କିନ୍ତୁ ଚଣା ହେଉଛି ଏକ ଡାଲି ବା ପୁଷ୍ଟିସାର ଜାତୀୟ ଖାଦ୍ୟ ଅଟେ ।

(ଖ) ରାଜମା, ସବୁଜ ଚଣା, ସୋୟା ବିନ୍, ଚାଉଳ

• ଉତ୍ତର: ଚାଉଳ ଅଲଗା।

• କାରଣ: ରାଜମା, ସବୁଜ ଚଣା ଏବଂ ସୋୟା ବିନ୍ ହେଉଛି ପୁଷ୍ଟିସାର (ପ୍ରୋଟିନ୍) ଜାତୀୟ ଉଦ୍ଭିଦ ଉତ୍ସ, କିନ୍ତୁ ଚାଉଳ ହେଉଛି ଶ୍ଵେତସାର କିମ୍ବା କାର୍ବୋହାଇଡ୍ରେଟ୍ ଜାତୀୟ ଖାଦ୍ୟ ।

୨. ଭାରତରେ ପାରମ୍ପରିକ ବନାମ ଆଧୁନିକ ରୋଷେଇ ପ୍ରଣାଳୀ ବିଷୟରେ ଆଲୋଚନା କର।

• ଉତ୍ତର: ଭାରତରେ ପାରମ୍ପରିକ ଏବଂ ଆଧୁନିକ ରୋଷେଇ ପ୍ରଣାଳୀ ମଧ୍ୟରେ ଅନେକ ପାର୍ଥକ୍ୟ ରହିଛି। ପୂର୍ବରୁ ଅଧିକାଂଶ ରୋଷେଇ କାଠ ଚୁଲା ବ୍ୟବହାର କରି କରାଯାଉଥିଲା ଏବଂ ମସଲା ପ୍ରସ୍ତୁତି (ବାଟିବା ବା ପେଷିବା କାର୍ଯ୍ୟ) ଶିଳ-ଶିଳପୁଆରେ କରାଯାଉଥିଲା । ଆଜିକାଲି ଲୋକମାନେ ନିଜର ସହଜ ଏବଂ ସୁବିଧା ପାଇଁ ଆଧୁନିକ ଗ୍ୟାସ ଚୁଲା ଏବଂ ବୈଦ୍ୟୁତିକ ଗ୍ରାଇଣ୍ଡର ବ୍ୟବହାର କରୁଛନ୍ତି ।

୩. ଜଣେ ଶିକ୍ଷୟିତ୍ରୀ କହିଲେ ଯେ ଭଲ ଖାଦ୍ୟ ଔଷଧ ଭଳି କାମ କରିପାରେ । ରବି ଏହି ଉତ୍ତରରେ ଉତ୍ସୁକ ଅଛି ଏବଂ ତାଙ୍କ ଶିକ୍ଷକଙ୍କ ପାଇଁ କିଛି ପ୍ରଶ୍ନ ରଖୁଛି। ଅତି କମ୍‌ରେ ଦୁଇଟି ପ୍ରଶ୍ନ ପ୍ରସ୍ତୁତ କର ଯାହା ସେ ପଚାରିପାରିବ ।

• ଉତ୍ତର: ସମ୍ଭାବ୍ୟ ପ୍ରଶ୍ନଗୁଡ଼ିକ ହେଲା:

  • ଆମ ଶରୀରକୁ ବିଭିନ୍ନ ରୋଗରୁ ରକ୍ଷା କରିବା ପାଇଁ କେଉଁ ଖାଦ୍ୟ ଉପାଦାନଗୁଡ଼ିକ ଔଷଧ ପରି କାମ କରିଥାଏ?

  • ଆମେ କିପରି ଜାଣିବା ଯେ ଆମେ ଖାଉଥିବା ଖାଦ୍ୟ ଆମକୁ ସୁସ୍ଥ ରଖିବା ପାଇଁ ଏକ ସୁଷମ ଖାଦ୍ୟ ଅଟେ?

୪. ସମସ୍ତ ସ୍ବାଦିଷ୍ଟ ଖାଦ୍ୟ ସ୍ଵାସ୍ଥ୍ୟକର ନୁହେଁ, ଏବଂ ସମସ୍ତ ପୁଷ୍ଟିକର ଖାଦ୍ୟ ମଧ୍ୟ ସର୍ବଦା ସୁସ୍ଵାଦୁ ନୁହେଁ । କିଛି ଉଦାହରଣ ସହିତ ତୁମର ଚିନ୍ତାଧାରା କୁହ ।

• ଉତ୍ତର: ଏହି ବକ୍ତବ୍ୟଟି ସମ୍ପୂର୍ଣ୍ଣ ସତ୍ୟ। ଆଳୁ ଚିପ୍ସ, ଚକୋଲେଟ୍ ଏବଂ ଥଣ୍ଡା ପାନୀୟ ଖାଇବାକୁ ବହୁତ ସ୍ଵାଦିଷ୍ଟ ଲାଗିଥାଏ, କିନ୍ତୁ ଏଥିରେ ଅଧିକ କ୍ୟାଲୋରୀ ଥିବାରୁ ଏହା ଶରୀର ପାଇଁ ଅସ୍ଵାସ୍ଥ୍ୟକର (ଜଙ୍କ ଫୁଡ୍) । ଏଥିରେ ପ୍ରୋଟିନ୍, ଭିଟାମିନ୍ ଏବଂ ରଫେଜ୍ ବହୁତ କମ୍ ଥାଏ ଏବଂ ଏହା ମଣିଷକୁ ମୋଟା କରିଦିଏ । ଅନ୍ୟପକ୍ଷରେ କଞ୍ଚା ପନିପରିବା କିମ୍ବା ସାଧା ଡାଲି ବେଳେବେଳେ ସୁସ୍ଵାଦୁ ଲାଗିନପାରେ, କିନ୍ତୁ ସେଥିରେ ପ୍ରଚୁର ପୋଷକ ତତ୍ତ୍ଵ ଓ ରଫେଜ୍ ଥାଏ ଯାହା ଶରୀର ପାଇଁ ଅତ୍ୟନ୍ତ ଉପକାରୀ ।

୫. ନିତୁ ପନିପରିବା ଖାଏ ନାହିଁ ବରଂ ବିସ୍କୁଟ, ନୁଡ଼ୁକ୍ସ ଏବଂ ପାଉଁରୁଟିର ମଜା ନିଏ । ଅନେକ ସମୟରେ ତା ପେଟରେ ଯନ୍ତ୍ରଣା ଓ କୋଷ୍ଠକାଠିନ୍ୟ ହୋଇଥାଏ । ଏହି ସବୁ ସମସ୍ୟାରୁ ମୁକ୍ତି ପାଇବା ପାଇଁ ସେ ନିଜ ଖାଦ୍ୟରେ କ’ଣ ପରିବର୍ତନ କରିବା ଉଚିତ ? ତୁମ ଉତ୍ତରରେ ବୁଝାଅ।

• ଉତ୍ତର: ନିତୁକୁ ପେଟ ଯନ୍ତ୍ରଣା ଏବଂ କୋଷ୍ଠକାଠିନ୍ୟରୁ ମୁକ୍ତି ପାଇବା ପାଇଁ ନିଜ ଖାଦ୍ୟରେ ରଫେଜ୍ ବା ତନ୍ତୁ (ଫାଇବର) ଯୁକ୍ତ ଖାଦ୍ୟ ସାମିଲ କରିବାକୁ ପଡିବ । ବିସ୍କୁଟ ଏବଂ ନୁଡ଼ୁଲ୍ସ ପରି ଜଙ୍କ୍ ଫୁଡ୍‌ରୁ ଦୂରେଇ ରହି, ସେ ନିଜ ଖାଦ୍ୟରେ ସବୁଜ ପନିପରିବା, ତାଜା ଫଳ, ଏବଂ ଡାଲି ଜାତୀୟ ଖାଦ୍ୟ ଖାଇବା ଉଚିତ । ରଫେଜ୍ ଶରୀରରେ ହଜମ ହୋଇନଥିବା ଖାଦ୍ୟକୁ ବାହାର କରିବାରେ ଏବଂ ମଳ ତ୍ୟାଗ କରିବାରେ ବହୁତ ସାହାଯ୍ୟ କରିଥାଏ ।

୬. ରେଶମାକୁ ସ୍ଵଳ୍ପ ଆଲୋକରେ ଜିନିଷ ଦେଖୁବାରେ ଅସୁବିଧା ହେଉଥିଲା । ଡାକ୍ତର ତାଙ୍କ ଦୃଷ୍ଟି ଶକ୍ତି ପରୀକ୍ଷା କରି ଏକ ନିର୍ଦ୍ଦିଷ୍ଟ ଭିଟାମିନ୍ ଦେଇଥିଲେ । ନିଜ ଖାଦ୍ୟରେ କିଛି ଖାଦ୍ୟ ପଦାର୍ଥ ସାମିଲ କରିବାକୁ ପରାମର୍ଶ ଦେଇଥିଲେ।

(କ) ସେ କେଉଁ ଅଭାବ ଜନିତ ରୋଗରେ ପୀଡ଼ିତ ?

• ଉତ୍ତର: ସେ ଅନ୍ଧାରକଣା ବା ଅନ୍ଧାରରେ ଦୃଷ୍ଟିଶକ୍ତି ହ୍ରାସ ରୋଗରେ ପୀଡ଼ିତ ।

(ଖ) ତା' ଖାଦ୍ୟରେ କେଉଁ ଖାଦ୍ୟ ଉପାଦାନର ଅଭାବ ହୋଇପାରେ ?

• ଉତ୍ତର: ତା' ଖାଦ୍ୟରେ ଭିଟାମିନ୍ A ର ଅଭାବ ହୋଇପାରେ ।

(ଗ) ଏହି ସମସ୍ୟା ଦୂର କରିବା ପାଇଁ ତା’ ଖାଦ୍ୟରେ କିଛି ଖାଦ୍ୟ ପଦାର୍ଥ (ଯେକୌଣସି ଚାରିଟି) ଅନ୍ତର୍ଭୁକ୍ତ କରିବାକୁ ତାକୁ ପରାମର୍ଶ ଦିଅ ।

• ଉତ୍ତର: ଏହି ସମସ୍ୟା ଦୂର କରିବା ପାଇଁ ରେଶମା ନିଜ ଖାଦ୍ୟରେ (୧) ଅମୃତଭଣ୍ଡା, (୨) ଗାଜର, (୩) ଆମ୍ବ, ଏବଂ (୪) କ୍ଷୀର ପରି ଭିଟାମିନ୍ A ଯୁକ୍ତ ଖାଦ୍ୟ ଅନ୍ତର୍ଭୁକ୍ତ କରିବା ଉଚିତ ।

୭. ତୁମକୁ ନିମ୍ନଲିଖୁତ ଖାଦ୍ୟପଦାର୍ଥ ଦିଆଯାଇଛି: (କ) ଡବା ଫଳ ରସ (ଖ) ତାଜା ଫଳ ରସ (ଗ) ଫଳ। ତୁମେ କେଉଁଟିକୁ ପସନ୍ଦ କରିବ ଏବଂ କାହିଁକି ?

• ଉତ୍ତର: ମୁଁ (ଗ) ଫଳ କୁ ଅଧିକ ପସନ୍ଦ କରିବି। କାରଣ ସମ୍ପୂର୍ଣ୍ଣ ସତେଜ ଫଳ ଖାଇବା ଦ୍ୱାରା ଆମକୁ ଅତ୍ୟାବଶ୍ୟକ ଭିଟାମିନ୍, ଖଣିଜ ଲବଣ ସହିତ ପ୍ରଚୁର ମାତ୍ରାରେ ତନ୍ତୁ (ଫାଇବର ବା ରଫେଜ୍) ମିଳିଥାଏ ଯାହା ଆମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଉପକାରୀ । ଡବା ରସ କିମ୍ବା କେବଳ ଫଳ ରସରେ ଅନେକ ସମୟରେ ତନ୍ତୁ ନଷ୍ଟ ହୋଇଯାଇଥାଏ।

୮. ଗୌରବଙ୍କ ଗୋଡ଼ ଭାଙ୍ଗି ଯାଇଥିଲା । ତାଙ୍କ ଡାକ୍ତର ହାଡ଼ଗୁଡ଼ିକୁ ଯୋଡ଼ି ପ୍ଲାଷ୍ଟର ବାନ୍ଧିଦେଲେ । ଡାକ୍ତର ତାଙ୍କୁ କ୍ୟାଲସିୟମ୍ ବଟିକା ମଧ୍ୟ ଦେଇଥିଲେ । ଦ୍ଵିତୀୟ ପରିଦର୍ଶନରେ ଡାକ୍ତର ତାଙ୍କୁ ଭିଟାମିନ୍ ଡି ସିରପ କ୍ୟାଲସିୟମ୍ ବଟିକା ସହିତ ଦେଇଥିଲେ। ସାରଣୀ 3.3କୁ ଦେଖ ଏବଂ ନିମ୍ନଲିଖିତ ପ୍ରଶ୍ନଗୁଡ଼ିକର ଉତ୍ତର ଦିଅ:

(କ) ଡାକ୍ତର କାହିଁକି ଗୌରବକୁ କ୍ୟାଲସିୟମ୍ ବଟିକା ଦେଲେ ?

• ଉତ୍ତର: କ୍ୟାଲସିୟମ୍ ଆମ ଶରୀରର ହାଡ଼ ଏବଂ ଦାନ୍ତକୁ ସୁସ୍ଥ ତଥା ମଜବୁତ ରଖିଥାଏ । ଗୋଡ଼ ଭାଙ୍ଗି ଯାଇଥିବାରୁ ହାଡ଼ ଶୀଘ୍ର ଯୋଡିହେବା ଏବଂ ମଜବୁତ ହେବା ପାଇଁ ଡାକ୍ତର ତାଙ୍କୁ କ୍ୟାଲସିୟମ୍ ବଟିକା ଦେଇଥିଲେ।

(ଖ) ଦ୍ଵିତୀୟ ଥର ପରିଦର୍ଶନ ବେଳେ ଡାକ୍ତର କ୍ୟାଲସିୟମ୍ ବଟିକା ସହ ଭିଟାମିନ୍ D ସିରପ୍ କାହିଁକି ଦେଲେ ?

• ଉତ୍ତର: ଭିଟାମିନ୍ D ଶରୀରକୁ ହାଡ଼ ପାଇଁ କ୍ୟାଲସିୟମ୍‌କୁ ଶୋଷିବାରେ ସାହାଯ୍ୟ କରିଥାଏ । କ୍ୟାଲସିୟମ୍ ଠିକ୍ ଭାବରେ ଶରୀରରେ କାମ କରିବା ପାଇଁ ଭିଟାମିନ୍ D ର ଆବଶ୍ୟକତା ରହିଥିବାରୁ ଡାକ୍ତର ଏହାକୁ ମିଶାଇ ଦେଇଥିଲେ।

(ଗ) ଡାକ୍ତର ଦେଇଥିବା ଔଷଧକୁ ନେଇ ତୁମ ମନରେ କି ପ୍ରଶ୍ନ ଉଠୁଛି ?

• ଉତ୍ତର: ମନରେ ଏହି ପ୍ରଶ୍ନ ଉଠିପାରେ: "ଔଷଧ ବ୍ୟତୀତ କେଉଁ ସବୁ ଖାଦ୍ୟ (ଯେପରିକି କ୍ଷୀର, ଦହି) ଖାଇବା ଦ୍ୱାରା ଏବଂ ସୂର୍ଯ୍ୟକିରଣରୁ ଆମେ ପ୍ରାକୃତିକ ଉପାୟରେ କ୍ୟାଲସିୟମ୍ ଓ ଭିଟାମିନ୍ D ପାଇପାରିବା?" ।